حدث خطأ في هذه الأداة

الجزيرة نت

Search

14‏/08‏/2011

New track قطعتي الجديدة: كفاني




 







كلمات القطعة:

(مقتطف من خطاب التنحي لجمال عبد الناصر في 1967)
الحرية بدل ما نعيشها بنلحنها والحجار اللي لازم تسلحنا بندخنها
بنعفنها روسنا بنكفنها فلسطين بألوان خلافاتنا بنلونها
تتلويلنا قلوبنا وعقولنا بالخزانة مش مهم كرامتنا طالما المعدة مليانة
كفاني وكفاك مس بحقوق انساني لأن زيتون القدس محفور بالأرز اللبناني

متعارف على أنه الجاهل منو عارف انه الحق جارف اكتر من الكسارات والمصارف
وأنا شايف انه الكلمة ازمة مش عارف حالي بدي اكتب عن سعر البترول ولا كيلو اللحمة
بحرر فلسطين ولا معدتي من التخمة؟ بحرق اليهود ولا الفنادق الفخمة؟
يضوي راسي نور أو العن العتمة زور؟ محتار بزور القبور ولا بسب القصور
بلعن نجمة داوود ولا اللي عكتافه نسور، مش مغفور للمخفر يكون الجنون محظور
ومحضور حج البيت إذا السعود مأجور
إذا سعادة اليمن السعيد محبوسة بالقات متل الدين ما صار محبوس بمعمول العيد
متل ما صار التوحيد اسم حركة بمدينة متروكة علبركة ببلاد أكبر راس فيها دركي
شو بكي واشتاق ناس من ورا اسلاك مشبكة، ملبكة الأمة متل تمثيل نادين لبكي
شو حبك مع أهل المريخ الغالي يبعتولنا رسول فلكي اسمه مايك فغالي
غرقونا بمعلومات مش اكيدة بأخبار مش مفيدة
بس العلم أقرب الي من وريدي، وما بتفهم هلكلام غير القلوب الوحيدة العنيدة
عإيدي يمكن ما تشوف غير حبر بس الورقة أوسع من جسمي إذا صار قبر

لما البلاد صارت صحرا وصارت قلوب الناس حجار
خلقت كلماتنا من الوجع تتشعل العتمة نار، ثوار بقلب المدن
حاملين عكفوفنا دمنا، دفنا حلم جنة عدن، 
وما في غير إمنا بتلمنا

مسلم نفسك للخوف هيك بدن ياك، دولارات بجيابك وجنازير عايديك
خليك مغمض عينيك ناطر الشيك من البيك، اوعا تثور عمحيطك ولو عالسرقة رباك
وليه شو بيك؟ نحنا صغار وهني كبار كتير: رح يبيعونا الهوا وعم تحكيني بالتغيير؟

إذا الهوا صار ملكية رح اتنفس من كلماتي، حول الموت قلم خط منه آياتي
حياتي وكيف بدها تكون حياتي إذا ما لحقت أحلامي وعشت خياراتي
بدن خاف من حالي، من النار اللي جواتي
الآتي أعظم والبطيخ علسكين، الملايين الجوعانين هودي كلن اخواتي
مش هينة تكون لبناني بركي أهين علسوداني؟ بركي عطلتك الجايي بتقضيها بالتبانة؟
مع عميل CIA تحت غطاء عمل إنساني، فهموك انه خيارك يا صهيوني يا ايراني
لأ أنا عربي ولبناني وما بيسمحلي عنفواني عالأرض غير عنواني: كفاني كفاني

خففت ورق اللف واشتريت ورق بيحمل دم قلمي
اخترق بيوت الناس وجعي، احترق بكاز الكاس فزعي
فظعي يا دولتنا قد ما فيكي فينا فظعي
وانت يا أمي بدل الحليب ثورة رضعي ولادك
وودعي

الراس

ليست هناك تعليقات:

إرسال تعليق

Recent Posts

عدد المتألمين رأسيا